楠楠鏡頭下的大澳

大澳文物館一角：

大澳的貝殼：

大澳要曬太陽的東東：

大澳的士多：

大澳橋上：

大澳的國旗區旗：

大澳阻止人影相的警衛：

大澳的玻璃：

大澳的水果：

大澳賣紫貝天葵的姨姨：

大澳路旁的貓貓：

大澳的鐵閘：

大澳的廟：

大澳的辣椒：

大澳的廟及媽媽：

大澳的天空：

大澳扮蜘蛛的Chloe妹妹：

同大澳喪影的石仔叔叔：

陽光笑容小樂園

媽媽好鍾意我間學校，因為學校經常安排我地出外參觀，媽媽一定把握機會請假同我一齊去。媽媽話佢以前讀書都無呢d節目，今次媽媽又好開心咁跟我去「陽光笑容小樂園」喇！

「陽光笑容小樂園」係一個教我地學習牙齒健康常識嘅地方，一去到，梗係要同門口靚靚嘅牙齒影返幅相先啦！


成個參觀過程都有姑娘姐姐同我地講解，第一站，我地去咗扭扭雲護齒教室，一路唱歌，一路學習點樣刷牙喇！

唱完歌，姐姐比我地練習，考下我地記唔記得點樣刷牙。我知我知，要刷牙嘅外側面，內側面同埋咀嚼面吖麻！我刷刷刷，刷刷刷......

完成任務，就可以同陽光笑容家庭成員影相喇！

下一站：好玩牙科診所。點好玩法呢？

原來喺比我地做實習牙醫喔！

我識我識，首先我要用呢支風槍幫同學仔吹走d口水先：

跟住又可以夾舊棉花幫同學仔吸走d口水：

唔...... 等我睇下你d牙齒健唔健康先！唔好笑，我好認真架！

輪到我要比同學仔檢查喇！好緊張呀！！！

做完實習牙醫之後，姑娘姐姐就帶我地去探「陽光笑容家庭」......

......跟佢地學習下點樣保持牙齒健康：

我好認真咁學習緊呀！

我仲認識咗「陽光笑容家庭」成員之一嘅姐姐，

同埋爺爺。

跟住我地成班小朋友就喺佢地屋企同圍玩喇！

好開心喔！

自食其力

媽媽話我已經4歲，唔可以再「衣來伸手，飯來張口」，要幫婆婆做下嘢。今晚媽媽見婆婆有一大兜豆豆要搣殼，就吩咐我幫婆婆手喇！

我嘅任務第一部，就係要搣開d豆豆殼，但係原來d殼好硬，我無可能搣到，所以媽媽都不能置身事外，唔可以走去嘆世界，要幫我界開一個口先，我就可以順利搣開d豆豆殼喇：

第二部，就係將豆豆放落粉紅色筲箕：

第三部，就係將豆豆殼放喺銀色兜兜：

經過我一個鐘頭無停過手嘅努力，終於搣咗成兜豆豆喇！今晚有飯食喇！Yeah!!!

大嶼山慶生遊 - 水上篇

行到身水身汗，媽媽諗住帶我落水過下冷河，但我志不在此，我有更重要嘅使命，就係「公主城堡建設工程」喇！


呢幅相其實同劇情無mud關係，但係媽媽超鍾意我呢個回眸一笑 lady look，點都要 post 出嚟比各位叔叔姨姨睇喎：

砌完公主城堡，我下一個任務就係要去做游水教練喇！（嘩好忙呀我！）你地睇，一班可愛嘅鴨鴨學生已經喺池邊等緊我喇：

嗱！第一樣要教你地嘅係注意安全，唔好亂咁中落水呀！用水泡先：

你地睇鴨鴨幾叻，好快就自己係池中暢游：

任務完成！Yeah!!!

大嶼山慶生遊 - 陸地篇

本來媽媽打算同我跳出香港，直闖長隆動物園。但因為我無端端燒咗成個禮拜，媽媽唔敢同我返大陸，所以就改為大嶼山慶生遊喇！

第一站，我地去東涌搭昂平「衫碌拎」，你睇我個樣咁緊張，其實我唔係怕搭纜車喔，而係比之前個入閘機嚇親，所以排緊隊搭纜車時仍然帶住入閘時嘅陰影，唧都笑唔出囉！

欣賞緊風景時都帶住憂傷嘅心情...

時間係可以沖淡一切嘅，搭完一程咁長嘅纜車，我對入閘機嘅驚恐都淡忘得七七八八。去到昂平市集，就周圍影相lu...

雪糕公仔：

我做小和尚：

好似係有套動畫嘅主角靈猴，不過我無睇套動畫：

轉下風車先：

轉完風車，我都要買個風車，係咪好多顏色，好靚呢？！

去到大佛，媽媽話佢上過去好多次，雖然我未去過，但佢可以肯定我只會行大約十級樓梯，之後就全程都會要佢抱，所以就只係喺樓梯底影幅相，好決斷咁放棄行上去喇！

我有問過烏龜伯伯先騎上去影相架：

去到寶蓮寺，媽媽話食齋係指定項目：

嚟到呢度，媽媽已經得返半條人命，要透透氣，我呢個大嶼山慶生遊嘅下半場，就要留番下回分解喇！

解剖小公主

作為一個公主狂熱份子，我對公主嘅認識係唔會流於表面嘅！今日，喺我踏入4歲呢個新階段，媽媽為我準備咗一個「解剖小公主」課程，等我可以對公主有更深入嘅認識。

首先，我同媽媽去十蚊店買咗靚靚「4」字蠟燭：

有四葉草配襯，仲係我鍾意嘅綠色喔：

究竟呢個大盒裡面係 mud 東東？

嘩！係小公主喔！小公主通常都鍾意粉紅色，我要加d綠色比佢作點綴：

條裙好似好好味咁，我忍唔住想偷食：

為咗隆重其事，我地誠意邀請埋同樣係七月之星嘅舅父同表弟見證呢個「解剖小公主」儀式：

登登登！係時候揭開小公主嘅真面目喇！

原來佢嘅「內涵」係美味嘅雜果蛋糕喔！

解剖完小公主... 條裙之後，我地要繼續善後：

沖乾淨涼...

著返便裝，小公主變返做小 lady:

媽媽話，當大家打開個盒見到小公主之後，都忍唔住嘩嘩聲！但係表面嘅美麗係唔長久，要有同樣令人讚嘆嘅內涵先會留比人有持久美好嘅印象。佢叫我大個之後，唔好因為成日比人讚靚女而自滿，要同樣有內在美，唔好成日發脾氣，如果唔係幾靚女都無用喎......

雖然我掛住食蛋糕又唔係好聽得明媽媽講 mud，不過通常媽媽講呢d道理都會不厭其煩講完又講，我第日實有大把時間慢慢咀嚼，而家都係專心咀嚼我件小公主蛋糕先！ Yummy yummy!!!

挪亞方舟一日遊

呢個旅程，我地其實五月中已經去咗，當時挪亞方舟仲未開放比公眾，係媽媽教會團契嘅叔叔姨姨組團帶埋我去。點解而家先寫 blog？係咪媽媽漏氣？你地估錯喇！媽媽今次唔係漏氣，係佢根本完全唔記得咗去過呢個 trip，今日睇睇下相先醒起，你地話我媽媽係咪
　

好 得 人 驚 呢？！？！

各位叔叔姨姨，第日如果你地見我媽媽無拖住我，記得問下佢係咪唔記得賴低咗我去邊，要儘快幫佢搵番我呀！

言歸正傳，五月中某個星期六，我地坐完船再行一大段路先去到挪亞方舟.....

入到去，梗係要喺主角方舟前面影幅相先啦！隻方舟真係好大呀！

呢度都係必影景點：

喺其中一個館裡面（我唔記得d館名，媽媽？佢連呢個旅程都唔記得，又點會記得d館名吖！），我地可以扮小動物，媽媽話呢隻黃色鴨鴨好 sharp，好襯我件紅色外套：

媽媽都好鍾意 Chloe 妹妹扮嘅 flamingo 喎：

全體動物集合：

行到又熱又攰，坐低透下氣：

同埋要補充水份：

到班大人休息時，我地都不忘要攞d私伙玩具出嚟玩下：

其實今次我唔係好開心，因為媽媽成日喺我無心理準備底下帶我入去d黑麻麻嘅地方睇嘢，五月嘅時候我仲未克服呢個「暗室恐懼症」，每次都一路睇一路喊住話要走。最傷感嘅係睇到一齣講人類點樣對地球先生唔好，搞到地球先生污漕辣撻，仲病咗添，我覺得地球先生好可憐，又忍唔住喊...... 講講下我又好掛住地球先生呀...... 嗚嗚嗚......